Претседателот на УЕФА за новото европско натпреварување

Александер Чеферин, претседателот на УЕФА, на Факултетот за општествени науки во Љубљана, Словенија меѓу другото зборуваше и за новото европско фудбалско натпреварување кое има за цел пред се да им овозможи на екипите од малите држави како што е Македонија да се натпреваруваат во Европски рамки.

Ова ново натпреварување е многу важно за нашата фудбалска сцена бидејќи се очекува учество на најдобрите македонски клубови на истото. Заради тоа, во македонската фудбалска јавност се појавија различни мислења на таа тема.

На прашањето поврзано со ова натпреварување, Чеферин одговори: ‘‘Тоа натпреварување го воведовме меѓу другото на барање на фудбалските клубови од помалите држави, кои заслужуваат повеќе европски натпревари. Со оглед на тоа дека сега ќе има повеќе тимови кои ќе играат на европско ниво, тоа ќе донесе подобри можности за препознавање на талентирани играчи, спонзорства и слично. Оваа промена ќе биде позитивна пред се за малите држави.‘‘

ceferin

Покрај оваа тема, претседателот на УЕФА зборуваше за сите актуелни прашања поврзани со европскиот фудбал.

‘‘Фудбалот е религија во која боговите ги менуваме на секои 10 години‘‘

Да се надеваме дека ќе гледаме успеси на нашите клубови на европската фудбалска сцена.

 

твитер: @teaVelk

Advertisements

Спортско новинарство или трка за лајкови?

Да разјасниме едно нешто на почетокот на темава, постојат многу начини за искажување лични ставови на одредена тема преку социјалните мрежи. Твитај, пишувај на блог, пишувај статуси на Фејсбук, објавувај колумни во медиуми и критикувај кого сакаш и зборувај што сакаш. Новинарството не е искажување личен став на одредена тема без истото да е потенцирано. Новинарството е едноставно информирање.

Наслов на вест на спортски интернет портал на тема новото натпреварување кое го воведе УЕФА и влијанието на истото врз македонскиот фудбал: ЗА ГРЕВОВИ КАКО НАШИТЕ ЕКИПИ ДЕНЕСКА ОФИЦИЈАЛИЗИРАА ТРЕТО ПО ВРЕДНОСТ НАТПРЕВАРУВАЊЕ

grevovi

Ова беше напишано на фејсбук страна која ја следат приближно 27 илјади луѓе. Мислам дека ако почнам да објаснувам од колку аспекти употребата на зборот ‘‘гревови‘‘ во овој контекст не е во ред, тоа ќе биде омаловажување на интелигенцијата на сите кои го читаат тоа што го поставувам на блогов. Само ќе кажам дека натпреварот за лајкови не смее да се базира на тоа кој медиум ќе успее највеќе да ги навреди македонските фудбалери. И да, истите овие ‘‘новинари‘‘ ќе бидат први да ги фалат тие ‘‘гревови‘‘ кога ќе постигнат некој успех. Исто како што беше со хокеарите пред две недели и со фудбалерите до 21 година кога се пласираа на европското првенство во Полска.

Линк до постот: https://www.facebook.com/Sport1.mkd/posts/2248874355145972?__xts__%5B0%5D=68.ARByPYz1lmy8qGuNRj5oxmTksm-7RvSOnGkyool9dXS1b4miu8BDcCql7OgX3dL33LG10G8VV7Z7oTcQEad6t8aCYGU9T86ohp5NFiuEEcseNmYvgHcrd3ud_YT_bcwTd6hRcB0JzBQw9dMyD_a5Fz0Ag_pSKvyuTGAsW17VR2irDr53k4YcJJjI6CCfJoQhsfQvRN_gn1UMRVeL3frOUbC06bwaP_CF1i2TED2JD-5_CkGG-B-6tXmZyO9zLpKYSutBK0BB90MGr0AOnV6fBIhK-V-4zgThNs687HRDptdntv2eXwNbBEuL5fiLc6l31gFOz3UhgAZ4tptOzWAYx3xnGw&__tn__=-R

 

твитер контакт: @teaVelk

Спортот за кој ретко се зборува

Хокејот на мраз станува се попопуларен спорт како во светот, така и во Македонија. Македонската хокеарска репрезентација вчера го освои  „Девелопмент Купот“ во Фусен, Германија, кој беше организиран од страна на Меѓународната хокеарска федерација(IIHF). Нашите хокеари се вратија со заслужено злато откако постигнаа убедливи победи против репрезентациите на Ирска, Андора и Португалија. И секако, насловите во спортските медиуми беа: “злато од нигде никаде” и слични изрази кои ја покажуваа изненаденоста на публиката од овој успех. И покрај тоа што првиот натпревар на нашата репрезентација беше одигран пред цели 7 години, и што функционира Македонска хокeaрска лига,  јавноста е многу малку запознаена со постоењето на овој спорт во Македонија.

hokeari2

Поддршка од државата за развивање на спортовите во РМ. Или сепак не?

На официјалната страна на Хокеарската федерација на Македонија (ХФМ) стои дека за македонските хокеари е набавена половна опрема од Бугарија. Воедно кажуваат дека очекуваат помош во опрема од донатори кои живеат во земји каде што хокејот е на високо ниво, а исто од донатор и спонзори во нашата земја.

Но, тоа не е се. Сега, по успехот на турнирот во Германија се актуелизира потребата од хокеј арена во Македонија, барем едно место каде нашите репрезентативци би можеле да тренираат. Претседателот на федерацијата, Никола Тасев, на својот фејсбук профил напиша:

ГО ОСВОИВМЕ!!!

Со 5 победи во 5 натпревари. Докажавме дека хокејот не е мал и непросперитетен спорт во Македонија, напротив, има иднина ама нема услови.Десет години се мачевме со претходната власт да се убедуваме дека хокеј арена е неопходна за развој на 5 зимски олимписки спортови. 15 години се мачиме да го дигнеме хокејот, 15 години со сопствени средства го одржуваме овој спорт, 15 години чекаме на хокеј арена! НИ ТРЕБА ХОКЕЈ АРЕНА под итно, НИ ТРЕБА ХОКЕЈ АРЕНА која не чини повеќе од еден лав или ограда на мост, САКАМЕ ХОКЕЈ АРЕНА која не чини повеќе од сумата исплатена на 3 компании блиски до Владата од Фондот за Иновации на жими мајка. Отидовме во Германија на првенство со броени пари, за пат, за спиење и по некој сендвич, се вративме златни со пехар, со покажување на пркос дека можеме да успееме и кога немаме услови и кога никој не верува во нас.

hokeari3.jpg

Информациите на интернет кажуваат дека минималната сума која е потребна за целосна изградба на една хокеј арена изнесува 162 милиони денари (приближно 3 милиони долари). Лавовите на мостот Гоце Делчев во Скопје го чинеа буџетот на РМ 162 милиони денари. Буквално изградбата на една хокеј арена чини колку 4 лавови кои го красат центарот на нашиот град. Ама добро, лавовите се профитабилни, го полнат буџетот на РМ и придонесуваат за развој на спортот во државата. Уствари не, тоа важеше за спортската инфраструктура.

За (срамни) настапи на Евровизија, од буџетот на РМ годишно се издвојуваат 9 милиони денари. Само за потсетување, Македонија никогаш не успеала да стигне до место во најдобрите 10 на ова натпреварување, иако бележи 18 настапи. 18 срамења пред Европската јавност, по 9 милиони денари секое, тоа се вкупно 162 милиони денари.

За образованието, детската заштита и спортот при Агенцијата за млади и спорт за 2018. година, проектирани се капитални инвестиции во износ од 2.440 милиони денари. Тоа е агенцијата која треба да се грижи за унапредување на спортот во Македонија. Истата таа агенција, која има буџет 15 пати поголем од потребната сума за изградба на хокеј арена, веќе 15 години е глува на барањата на МХФ.

Честитки до хокеарите за огромниот успех и да се надеваме дека еден ден, некоја власт во оваа наша држава ќе се заинтересира за спортската инфраструктура и условите на спортските терени.

Како што напиша господинот Тасев на својот фејсбук профил, ХОКЕЈОТ ИМА ИДНИНА ВО МАКЕДОНИЈА – НИ ТРЕБА АРЕНА!!!

 

контакт, твитер: @teaVelk

Последни зборови за Саздо

Немам ништо напишано тука веќе две години. Искрено, не ни планирав да пишувам, но после тоа што се случи вчера, зборовите сами се пишуваат.

Никола Саздовски, 21-годишно момче од Кисела Вода. Момче со нормален живот, амбиции, желби и стравови. Момче кое имаше другари, другарки, девојки, семејство и се она што за сите нас е секојдневие. Го кажувам ова бидејќи во овој текст сакам да ја истакнам страната на Саздо која малку се заборави деновиве. Онаа човечката страна од него, која во целово наше политизирано општество не успева да излезе на површина.

Не сакам да жалиме за Саздо бидејќи бил верен Комита или патриот, сакам да жалиме за еден прерано згаснат живот, за една личност која пред се беше човек! Сакам да потсетам дека тој можеше да биде се што ќе посака, можеше да прерасне во успешен, семеен човек со огромна страст за Вардар и љубов кон оваа држава.

Не постои оправдување за тоа што му се случи на Саздо и никој не го заслужува истото. Време е да се воздржиме од непотребни коментари и да оставиме простор на најблиските да си се простат од момчето.

Нека почива во мир.

Почина фудбалска легенда на ФК Пелистер

Фудбалската јавност во Битола остана шокирана по прераната смрт на поранешниот фудбалер и секретар на ФК Пелистер Воислав Стоиљковиќ. Вчера вечер, во Германија на 40 годишна возраст почина фудбалерот кој беше огромен талент и еден од клучните играчи во тимот на ФК Пелистер кој играше во тимот заедно со Христов, Штерјовски, Момировски…

Поради здравствени проблеми Воислав прерано се откажа од фудбалската кариера, а во битолскиот клуб имаше улога на секретар.

Со младите херои ќе ја напаѓаме Шпанија

Познат е списокот на играчи повикани во составот на Македонската фудбалска репрезентација за натпреварот против трикратниот Европски шампион и мундијалски победник од 2010 година.

%d0%b5%d0%ba%d0%b8%d0%bf%d0%b0

„Треба да имаме трпение, очекувам амбициозна Македонија, но не треба еуфорично да го прифаќеме фактот што сега во тимот имаме неколкумина од младата репрезентација. Мора да бидеме внимателни, да ги користиме на позиции каде што е најнеопходно и постепено да го дополнуваме квалитетот на сето она што досега го одигравме во квалификациите“ – Вели Игор Ангеловски пред соочувањето со Шпанската фудбалска репрезентација.